jump to navigation

ஸ்ரீ கீதா பாஷ்யம் – 1 October 21, 2007

Posted by sridharan in ஸ்ரீ பாதுகா ஸஹஸ்ரம்.
trackback

ஸ்ரீ:

ஸ்ரீமதே ராமாநுஜாய நம:

ஸ்ரீரங்கநாயகி ஸமேத ஸ்ரீரங்கநாத பரப்ரஹ்மணே நம:

ஜகத்குரு க்ருஷ்ணன் திருவடிகளே சரணம்

அடியேன் குறிப்பு

விஜயதசமியான இன்று (21.10.2007) தொடங்கி, ஒவ்வொரு நாளும் மற்ற க்ரந்தங்களுடன், பகவத் ராமானுஜர் அருளிச்செய்த ஸ்ரீ கீதா பாஷ்யத்தை, எளிய தமிழில் மொழிபெயர்க்க, நம்பெருமாள் திருவுள்ளத்துடன் முயற்சி செய்துள்ளேன்.

இந்த உரையில் அடியேனின் சொந்தக் கருத்துக்கள் எங்கும் இடம் பெறாது. எம்பெருமானார் வடமொழியில் இயற்றிய பாஷ்யத்தை, அப்படியே, ஒரு சொல் விடாமல், இனிய தமிழில் மொழிபெயர்த்துள்ளேன்.

எம்பெருமானார் திருவடிகளே சரணம்

கீதா பாஷ்யத்திற்கான எம்பெருமானாரின் அறிமுக உரை

யத் பதாம்போருஹ த்யாந வித்வஸ்த அசேஷ கல்மஷ:
வஸ்துதாம் உபயாத: அஹம் யாமுநேயம் நமாமி தம்.

பொருள் – எந்த ஒரு திருவடிகள் என்ற தாமரைகளைப் பணிந்து த்யானம் செய்வதன் மூலம் என்னுடைய (எம்பெருமானார்) பாவங்கள் அனைத்தும் நீங்கப் பெற்றதோ, எதன் மூலம் இந்த உலகில் நான் (எம்பெருமானார்) ஒரு பொருள் என்று மதிக்கப்படும்படியாக உள்ளேனோ – அந்தத் திருவடிகளைக் கொண்ட யாமுனாசார்யரை நான் வணங்குகிறேன்.

ஸ்ரீமஹாலக்ஷ்மியின் நாயகனான ஸ்ரீமந் நாராயணன் – மங்களங்கள் அனைத்திற்கும் ஒரே இருப்பிடமாகவும், தாழ்வுகள் அனைத்திற்கும் எதிர்த்தட்டாகவும் உள்ளான். இயல்பாகவே எல்லையற்ற மேன்மை, ஞானம், ஆனந்தம் கொண்டவனாக, அனைத்தையும் விட உயர்ந்தவனாக, அனைத்தையும் விட வேறுபட்டவனாக உள்ளான். எண்ணற்றதும், எல்லையற்றதும் ஆகிய திருக்கல்யாண குணங்களின் கடலாக உள்ளான் – இவற்றுள் சில – பலம், ஐச்வர்யம், வீர்யம், தேஜஸ், ஞானம், சக்தி – போன்றவை ஆகும். இவற்றைத் தனது ஸ்வபாவத்திலேயே கொண்டுள்ளான். அவன் மிகவும் சிறந்த ரூபம் கொண்டவனாகவும் உள்ளான் – இந்த உலகில் காணப்படாத ஒன்றாகவும், அற்புதமாகவும், என்றும் உள்ளதாகவும், தோஷம் இல்லாததாகவும், ஒளி உடையதாகவும், அழகானதாகவும், நறுமணம் வீசும்படியாகவும், மென்மையானதாகவும், இனிமையாகவும், இளமையாகவும் – அவன் திருமேனி உள்ளது.

அவன் அணிந்துள்ள பல்வேறு ஆபரணங்கள் அவனால் அழகு பெறுகின்றன. அவை எண்ணற்றவையாகவும், அவனுக்கு ஏற்றதாகவும், பல்வேறு வகைப்பட்டதாகவும், அற்புதமாகவும், இந்த உலகில் காண இயலாததாகவும், குறைபாடுகள் இல்லாததாகவும், அளவற்றதாகவும், தெய்வீகமானதாகவும் உள்ளன. அவனது ஆயுதங்கள் – அவனுக்குத் தகுந்தவையாகவும், எண்ணற்றும், சக்தி பொருந்தியதாகவும், அழிக்க இயலாததாகவும், மங்களம் அளிக்கவல்லதாகவும் உள்ளன.

அவன் மஹாலக்ஷ்மியின் நாயயகனாக உள்ளான். அவள் அவனுக்கு ஏற்றவளாகவும், இன்பம் அளிப்பவளாகவும், உயர்ந்த குணங்கள் கொண்டவளாகவும், ஐச்வர்யம் நிறைந்தவளாகவும், எண்ணற்ற மங்களங்கள் நிறைந்தவளாகவும் உள்ளாள். அவனுடைய திருவடிகள் – எப்போதும் அவனுடன் உள்ளவர்களும், அவனுக்குக் கைங்கர்யம் செய்வதில் இன்பம் அடைபவர்களும், ஞானம் போன்ற எண்ணற்ற குணங்கள் நிரம்பியவர்களும் ஆகிய நித்யஸூரிகளால் – புகழப்பட்டபடி உள்ளன.

படம் – பார்த்தனுக்கு கீதை உரைத்த திருவரங்கத்து மாயனார் நம்பெருமாள் (நன்றி – ஸ்ரீமாந் முரளி பட்டர்)

…தொடரும்

Advertisements

Comments»

1. SARATHY - October 21, 2007

thank you,
can you include comments of Sankara and Madva ,how they play their role.
SARATHY

2. sridharan - October 21, 2007

Swamin,

Thanks for your suggestion. Wherever, they differ, adiyen will definitely indicate.

Adiyen Dasan
Sridharan


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: